Novidades

Reunión do PERTE "Nova Economía da Lingua"

14/07/23

A primeira xuntanza en Galicia do proxecto Nova Economía da Lingua (NEL),que conforma un Proxecto Estratéxico para a Recuperación e Transformación Económica (PERTE) centrado na nova economía da lingua, botou a andar este xoves 13 no Edificio Fontán da Cidade da Cultura, sede do proxecto Nós, e finalizou esta mañá.
Mulleres na lexicografía, 1.º premio á introdución da perspectiva de xénero na docencia

14/07/23

O proxecto Mulleres na lexicografía / Woman in Lexicography, dirixido pola investigadora do ILG M.ª José Domínguez Vázquez, vén de acadar o 1.º premio á introdución da perspectiva de xénero na docencia nos XIV Premios á Introdución da Perspectiva de Xénero na Docencia e na Investigación, concedidos pola Universidade de Santiago de Compostela.
Publícase o corpus ParlaMint 3.0 con datos do Parlamento galego

05/07/23

Acaba de facerse público o corpus ParlaMint 3.0, en que o ILG e o Proxecto Nós participan coa compilación e etiquetaxe dos datos do Parlamento galego (ParlaMint-ES-GA). ParlaMint é un proxecto que se desenvolve no marco de CLARIN, cuxo obxectivo é a creación dun corpus de sesións parlamentarias multilingües comparables e homologadas.
Comezan os Cursos de lingua e cultura galegas "Galego sen fronteiras"

04/07/23

O Instituto da Lingua Galega e a Real Academia Galega retomaron onte a celebración dos Cursos de lingua e cultura galegas “Galego sen fronteiras”, despois de tres anos de interrupción por mor da pandemia de coronavirus, que organizan co apoio económico da Deputación da Coruña e da Xunta de Galicia.
Entrevista á directora do ILG

03/07/23

Elisa Fernández Rei ofreceu unha entrevista ao xornal Nós Diario con motivo do seu recente nomeamento como directora do Instituto da Lingua Galega.
Membros do ILG en distintos eventos científicos

30/06/23

O persoal investigador do ILG participa neste mes de xuño en diversos eventos científicos.
II Xornada sobre Variación e Cambio Lingüístico

30/06/23

Amplíase ata o 30 de xuño de 2023 o prazo para o envío de propostas de comunicación á II Xornada sobre Variación e Cambio Lingüístico, organizada polo Instituto da Lingua Galega da USC e o Centro de Línguas, Literaturas e Culturas da Universidade de Aveiro. Esta segunda edición terá lugar o 9 de outubro na Facultade de Filoloxía da USC.
Atopan a primeira receita médica en galego

21/06/23

Ricardo Pichel, colaborador do ILG e profesor da Universidade de Alcalá de Henares, e Ricardo Pousa, da Universidade de Vigo, son os responsables de encontrar a primeira receita médica en galego. Está anotada no reverso dunha escritura notarial datada o 2 de abril de 1477 e conservada no Arquivo da Real Chancillería de Valladolid.
Xulio Sousa nun encontro da rede CLARIAH-ES

16/06/23

O investigador do ILG Xulio Sousa participou os días 15 e 16 de xuño nun encontro na Universidade de Alicante para crear a infraestrutura da rede estratéxica CLARIAH-ES.
Cursos de verán da USC

16/06/23

Membros do ILG organizan e participan nos cursos de verán da USC Corpus lingüísticos: recursos e métodos para a súa explotación e Francisco Fernández del Riego na cultura galega do século XX. O primeiro terá lugar do 10 ao 14 de xullo na Facultade de Filoloxía e o segundo, do 4 ao 6 de setembro en Vilanova de Lourenzá. O prazo de matrícula aínda se atopa aberto.